Forkers (已搬遷) 新店位置

同女友到土瓜湾旧区觅食，想食西餐故选择了 Forkers。头盘叫咗西班牙黑毛猪火腿36个月熟成前腿同48个月熟成后腿。个人觉得后腿好食啲，因为冇太多脂肪，熟成时间长啲，香味更加浓烈。另外叫咗个海鲜 starters 香煎北海道刺身带子配回茴香洋葱。带子系 jumbo size，用平底镬略煎，外边香口内里软心嫩滑，已底部嘅洋葱亦煎得焦糖香口。餐汤拣咗虎虾浓汤同是日餐汤，虎虾浓汤简直系无得输，汤底将所有嘅材料 blended 得很细滑，有好浓嘅香煎虾壳味，虎虾肉质亦保持结实。配菜有任食嘅沙律同香味薯条，但我哋只食了少许。主菜拣咗美国牛肩扒同西班牙橡果黑毛猪颈脊。落单时侍应忘记了问我哋牛扒要煎几成熟，系一个败笔，上枱时牛扒略嫌煎得比较熟，只有三两件牛味比较浓郁。黑毛猪颈脊边位煎得比较香口，冇多余油脂。最后甜品同餐饮系普通嘅芝士蛋糕同咖啡同伯爵茶。