潮發粥麵茶餐廳

营业中

休息中

牛筋云吞面走葱，本想叫牛膀，但原来无牛杂卖，只有牛肚。柱侯牛筋爽口弹弹的，柱侯酱既味道已深深刻系牛筋之中，每一口都散发浓郁而清香味道，坚好味！虽然我较爱棉滑黏口牛筋。云吞劲大粒，馅料满到爆开，我紧紧一啖啪到入口乍。大路虾爽无过咸无特别，中规中矩。辣椒油唔错，接近中辣程度又够晒香。饮头啖汤时腩汁清香无比，非常可口。非爽口面条夹住靓汤冲入口，美味美味！食完晒所有食物后再饮啖汤，汤变得强烈碱水味而黏口，放弃。突然发现所有食客只得我一个香港人，其他都系大陆自由行。隔离枱外值男女在埋怨价钱劲贵，我碗双并都 $45，真系物价腾贵，最衰都系天价铺租，小市民都要挨贵野啦！放工急赶去尖沙咀剪头发再落旺角打拳，谁知落狗屎又气温突降冻冰冰，即时咩心情都无晒！唔打拳喇，直接剪完头发返大埔饮酒啦！冻冰冰即刻想食碗热腾腾既汤面，巧合地行错路经 sogo 上到地面见到面店有位就冲入去啦。潮发？个名似层相识，上网一查，原来以前系汉口道我最爱既牛筋腩，好好味架呢！即时勾起好多画面、回忆、旧朋友。