金拇指米線 (紅磡廣場) (已結業)

琴晚放早加上唔使凑囡，出去红磡广场接老公放工，老公带我去佢平时食早餐，午饭同下午茶的舖头。中央冷气唔会热，座位多而且阔落舒适，干净卫生，又有电视睇，不过播tbb， 坐多十分钟都唔怕畀人讲及唔怕睇面色。老公食上海菜饭配香茅鸡中翼，猪扒，鸡扒配菜饭- 外形不错，香茅鸡扒切开三片，嫩滑无雪味，猪扒够林身，一咬就开。扒类预早切开数片，方便夹亦方便食。菜饭- 菜粒保持嫩绿，香气扑鼻，油润润，粒粒分明。金牌牛柳煎双蛋饭$45 - 两只煎香的蛋黄在蛋正中心，甜豉油开胃，搭两条菜心，非常抵食。牛柳份量多，滑嫩不硬，但不够热，扣少少分。腐乳咸香味浓，好彩有碗青红萝卜例汤中和一下。香浓茶底，各有三片柠檬。老公话早餐仲平，非常抵食，30蚊内有找，劲多款可拣。