早安越南 (已結業)

真系天气不似预期，放工先黎落雨，既然都要避雨，于是就走入黄埔美食坊，顺便食晚餐🥣。行完一圈美食坊之后，最后睇中呢间「早安越南」晚餐款式够多，而且环境阔落。晚市有成十几个套餐拣，都真系拣左好耐先决定食咩！青咖喱猪扒饭 — 卖相好吸引，而且咖喱味香浓，配饭一流；再加上青咖喱汁份量好多，够食晒成个饭。猪扒好稔身，而且有好多旧，食到我超级饱！越式炒金边粉 — 泰式炒金边粉就食得多，越式炒就系一次食。金边粉嘅面食方面炒得比较湿身，而且上碟嘅topoings同泰式有啲唔一样，无左泰式果啲啲脆脆系上面。饮品有惊喜！！！叫左杯桂花香蜜，配搭清新，而且桂花味好清香，上完饮品，个个都话好香，好想试饮。朋友叫嘅珍多冰都几好饮。 香辣肉崧粉皮生菜包肉汁丰富，唔系炒到好干身果种，不过如果再辣多少少就会更加惹味。越式炸拼盘有炸虾饼同扎肉，三个人食每人每样都食到2-3件㗎。 餐厅环境阔落，每张台之间都有啲距离，成餐饭食得好舒服，唔会觉得好焗促好挤逼。