早安越南 (已結業)

原来坐地铁入黄埔系好方便嘅，黄埔住宅多，自然野食都多，今日就去会左一会呢间早安越南嘅晚餐。一入去就觉得好特别，一D都无越南餐厅嘅感觉，因为铺面唔系用一贯越南餐厅嘅绿色白色风扇咁，而系好似落左酒吧嘅感觉，深色装修，红色霓虹灯，好cyber ，但光线充足嘅，唔会系黑到睇唔到。嗌野食啦，一纵越南美食都有得拣，我地就order左虾多士、蒜蓉炒贵妃苗、牛柳粒红饭、串烧捞檬。虾多士系最快上枱嘅，落单后大概十几分钟就上枱啦，系用法包上面铺左d虾肉然后炸嘅，好脆口，不过系虾嘅味道少左D同油腻左少少，应该系面包sok油。牛柳粒红饭上枱系好香嘅，牛柳粒系正嘅，炒得好好味，少少败笔系个红饭味道稍淡，独立食麻麻，要配埋牛粒一齐食先夹啦。炒贵妃苗我自己就会觉得炒得好香，蒜味十足，不过偏咸嘅，配左岩岩嘅红饭就ok啦。反而最正系份串烧捞檬，系最耐嘅，店员解释系串烧要即烧所以花时间。今日系order晒牛猪鸡三款，牛同猪我食到有香茅腌果劲香，食落劲野味，肉汁锁晒起入面，个鸡就配埋个烧烤汁就perfect。个檬粉呢系好fresh，有抵消串烧嘅功效，而个檬粉汁我自己会比出面嘅辣同酸，反而唔系好甜，唔食得辣嘅就唔好落咁多啦。