百匯軒 (已結業)

今日约咗同事饮完早茶先一齐开工🤭 其实两个人都食唔到几多野 但系我哋都嗌咗六个点心😂 呢间酒楼唔算太贵 又有早晨孖宝凤爪排骨饭份量还可以 面头嘅排骨同凤爪都多 饭粒唔会蒸得过火 太腍 都可以话每粒饭都分明嘅🐥潮式蒸粉果有三粒 馅料同出边酒楼食到嘢都差唔多有花生 沙葛 猪肉咁样😮黑椒金钱肚呢碟腌得几好食 金钱肚每一块都好厚身 而且牛肚嘅纹可以吸晒啲汁🐮家乡煎酿尖椒呢碟都剪得几香脆 咁啱尖椒味道都几辣 啱晒钟意食辣嘢嘅我 尖椒上面有好厚嘅鲮鱼肉🐟金珠咸水角咸水角外皮炸得香脆 而且非常软糯😺碧绿叉烧肠叉烧馅料好多 肠粉外皮都几滑呢间茶楼嘅食物都几OK 又唔太贵😗 如果第日再有闲情逸致饮完茶先返工 都可能会考虑再嚟一次