極尚大喜屋 (銅鑼灣廣場一期)

营业中

休息中

因为返夜8点先开工，同朋友去食个放题先，食饱好上路🤣🤣🤣就返工地点，所以拣咗铜锣湾广场嘅大喜屋。我哋大约5:00到，但原来星期一至四系5:30先开餐，星期五，六，日嘅晚市先系5:00开始。好彩有个伴同我倾住计等，陆续就好多客人到，所以下次食除非早早到排队，否则一定要先book位（其实唔系我哋唔book位，系下午打去俾人cut咗线，sad）准时5:30入座。出面有饮品，小食，少量热荤，甜品，生果。啤酒，米酒，梅酒任饮。因为之后要返工，饮咗少少，不过都几好饮。另外一枝枝嘅冷泡茶都唔错。食物方面，刺身同寿司，种类多，都新鲜，上餐快。推介迷你手卷，细细件好可爱，一啖一件唔怕食滞。串烧都好好食，烧牛舌，鸡翼，菠萝，真心推介。另外炸榴梿丸都好好食，好似炸糯米糍咁，中间有榴梿，软糯香甜。