影片
更多
2019-02-18
99 浏览
呢间餐厅，对我o黎讲又算系新又算唔系好新，因为好似无耐前先食过佢o既前身，原来已经易o左手了。但内里o既装潢同一d 细节o野感觉上又好同出一脉，所以可能只系改o左名唔出奇。anyway，最紧要系d o野好唔好食o架o者~ 今日o黎，食个late breakfast。早餐时段只有港式早餐，车仔面o个类要11 点后先有得食，不过早餐o既粉面都可以叫到部份车仔面特有o既𩠌，好似猪润呢d。我点o左个B2 早餐($38)，面包menu 上写住「全件」，实物有两块咁多，而且系厚面包o黎，感觉大件夹盛惠。试过o系其他地方食d 厚面包唔太新鲜，好硬仲要食够两大块真系死得，不过呢度o既面包就够晒软熟。三选一o既扒类我拣o左香脆鸡扒，唔算话极之脆，但都ok o既，肉质唔会实ding ding 咁，有时都惊d 餐厅煎得耐得滞。火腿肠无乜特别唔讲喇，但呢个餐有一样好特别o既o野，就系跟餐会连埋一旧吉列紫薯饼。里面软滑而鲜甜o既薯蓉，蘸上面包糠再炸得甘香，食多件都仲得呀！至于友人就叫o左个B1 餐($34)，佢配多士，唔使加钱o既，又系有两块……佢个餐有粉面，就系试o左那个猪润——姜丝猪润。好多人叫，点解我知﹖
早餐时段只有港式早餐，车仔面o个类要11 点后先有得食，不过早餐o既粉面都可以叫到部份车仔面特有o既𩠌，好似猪润呢d。
我点o左个B2 早餐($38)，面包menu 上写住「全件」，实物有两块咁多，而且系厚面包o黎，感觉大件夹盛惠。试过o系其他地方食d 厚面包唔太新鲜，好硬仲要食够两大块真系死得，不过呢度o既面包就够晒软熟。
三选一o既扒类我拣o左香脆鸡扒，唔算话极之脆，但都ok o既，肉质唔会实ding ding 咁，有时都惊d 餐厅煎得耐得滞。火腿肠无乜特别唔讲喇，但呢个餐有一样好特别o既o野，就系跟餐会连埋一旧吉列紫薯饼。里面软滑而鲜甜o既薯蓉，蘸上面包糠再炸得甘香，食多件都仲得呀！
吉列紫薯饼
35 浏览
0 赞好
0 留言
至于友人就叫o左个B1 餐($34)，佢配多士，唔使加钱o既，又系有两块……佢个餐有粉面，就系试o左那个猪润——姜丝猪润。好多人叫，点解我知﹖因为坐咁耐就听足咁耐「姜丝」「姜丝」o既点餐声，系咁此起彼落……老笠o左一片o黎食，个润松化得o黎唔会好粉咁，加上姜丝添上微辣口感，都唔错。
姜丝猪润通粉
15 浏览
0 赞好
0 留言
因为menu 上写住饮品会用上荷兰黑白淡奶，所以特登试下佢d 奶茶。如果落番多d 奶会更好，而家略嫌有少少涩。
张贴
