翠河燒味 (利東商場)

营业中

休息中

自从有次食过西式午餐后，已经放弃翠河既西餐，只系晚饭食鱼餐，有时叫蒸鱼有时叫姜葱鱼腩煲，都系唔错的。上星期个胃唔舒服又唔想食粥，就去食个late breakfast。以往会去商场另一间茶记的因为佢个沙嗲牛好正，件多士系丹麦酥多士。但唔知几时开始转咗用餐包或白面包，无多士供应了！即时downgrade晒个早餐，怪不得人气都下滑了。讲返翠河，今次个经典早餐竟然有件唔错既油多。牛油份量ok，烘得有多士金黄色绝不马虎，比起搬舖前有大进步。系旧舖时件多士干睁睁的，同白面包分别不大，我次次都要求加牛油，否则完全无意欲食佢。但而家件油多已经焕然一新，由可有可无的配角变成呢份早餐不可或缺的重要元素。总括嚟讲呢份经典A餐既质素对得住捧场客。但通粉个汤底仍有进步空间。