影片
更多
2019-11-29
287 浏览
喺九龙城附近见完学校，带着小朋友谂住食个早餐。大部份茶餐厅嘅茶餐都唔太适合，见到呢一间川菜馆佢嘅早餐系一碗面，加个葱花卷或者馒头，配埋豆浆都只不过系$35 ，咁就试吓啦。我哋一去到刚开舖，店内座位唔会好迫，坐得都舒服，都算干净。不过唔肯定佢哋有冇BB櫈，因为我哋冇问佢攞。我哋叫咗一个番茄牛肉面，一个榨菜肉操面。店员话今日只有馒头，陪两杯冻豆浆，买单$70 ，真系好抵！蕃茄鲜牛肉面值得推介，首先佢嘅汤底唔系一般味精味汤底，系真系有好香浓嘅蕃茄清汤，汤底入边好多茄肉，真材实料，绝对唔hea。面底我哋拣咗幼面，佢系传统上海幼面，面质好弹牙幼滑但又唔会黐埋一旧旧。牛肉系类似打边炉的美国肥牛，食得出有牛味唔会好鞋，虽无手切肥牛咁香口弹牙，但不过不失总好过罐头沙嗲牛肉。每碗配有少量葱花，讨厌葱的人记得走青。榨菜肉崧汤面就一般，榨菜偏咸令整个汤都咸咗啲，汤底比较淡不及蕃茄汤咁多料咁浓味。肉崧即系肉碎，分量都Ok而且食得出非罐头，系自家腌制的肉碎，不过都系偏咸咗少少。面底都系上海幼面，好食！最后上台系两份馒头，Size偏细但我觉得跟餐嚟讲非常合理，而且即叫即蒸够晒热，几好食！而家出面食个常餐食罐头嘢都
喺九龙城附近见完学校，带着小朋友谂住食个早餐。大部份茶餐厅嘅茶餐都唔太适合，见到呢一间川菜馆佢嘅早餐系一碗面，加个葱花卷或者馒头，配埋豆浆都只不过系$35 ，咁就试吓啦。
我哋一去到刚开舖，店内座位唔会好迫，坐得都舒服，都算干净。不过唔肯定佢哋有冇BB櫈，
因为我哋冇问佢攞。我哋叫咗一个番茄牛肉面，一个榨菜肉操面。店员话今日只有馒头，陪两杯冻豆浆，买单$70 ，真系好抵！
蕃茄鲜牛肉面值得推介，首先佢嘅汤底唔系一般味精味汤底，系真系有好香浓嘅蕃茄清汤，汤底入边好多茄肉，真材实料，绝对唔hea。面底我哋拣咗幼面，佢系传统上海幼面，面质好弹牙幼滑但又唔会黐埋一旧旧。牛肉系类似打边炉的美国肥牛，食得出有牛味唔会好鞋，虽无手切肥牛咁香口弹牙，但不过不失总好过罐头沙嗲牛肉。每碗配有少量葱花，讨厌葱的人记得走青。
鲜蕃茄牛肉面
$35
21 浏览
1 赞好
0 留言
榨菜肉崧汤面就一般，榨菜偏咸令整个汤都咸咗啲，汤底比较淡不及蕃茄汤咁多料咁浓味。肉崧即系肉碎，分量都Ok而且食得出非罐头，系自家腌制的肉碎，不过都系偏咸咗少少。面底都系上海幼面，好食！
最后上台系两份馒头，Size偏细但我觉得跟餐嚟讲非常合理，而且即叫即蒸够晒热，几好食！
而家出面食个常餐食罐头嘢都$35以上，川馆的特色早餐都只系$35无加一，有面有包有豆浆，真系好抵食！
因为个上海幼面，下次会嚟试吓午市。希望会有惊喜😌
张贴
