影片
更多
2017-10-30
668 浏览
我10月21号第一次帮衬, 唔驶等位, 店内环境都好舒适, 我地叫咗几款餐, 其实都系开早巿冇耐, 同隔离果间舖一样(应该系同一集团同一个厨房), 又系话卖晒, 炒面冇晒(我地要两份炒面餐), 叫我地转其他餐, 但转个头隔离枱点餐, 佢同人讲话冇晒炒面转咗米粉, 咁点解你要我转其他餐而唔系问我转米粉得唔得? 中式早餐其实冇乜种类拣, 离不开系粥/炒面, 蒸/煎珍珠鸡, 仲有粢饭, 最憎就系去到餐厅话呢样卖晒果样卖晒, 同埋楼面人手安排好有问题, 侍应唔多而且唔熟手, 熟手只系一至两位. 第二次去系10月28号, 今次去到都唔驶等位, 上次试咗炒面今次试粥, 今次楼面仲乱, 只得一个熟手, 其他人原来系隔离舖调过嚟帮手执枱, 落单要揾返驻场既侍应, 同埋今次落单后上菜都好慢, 而且枱号又错晒蒸珍珠鸡 - 唔知系咪太多人催上菜, 有只珍珠鸡系未熟既, 咁都可以攞出去比客人食, 好过份肠仔通粉配煎蛋 - 冇乜特别, 通粉个汤清到好似滚水咁, 同连锁快餐店比简直失色炒面配煎珍珠鸡 - 炒面份量好多, 味道唔差, 煎珠珠鸡都可以, 面层口感明显有煎过皮蛋瘦肉粥配蒸珍珠鸡 - 个粥几惹味, 几好食
蒸珍珠鸡 - 唔知系咪太多人催上菜, 有只珍珠鸡系未熟既, 咁都可以攞出去比客人食, 好过份
肠仔通粉配煎蛋 - 冇乜特别, 通粉个汤清到好似滚水咁, 同连锁快餐店比简直失色
炒面配煎珍珠鸡 - 炒面份量好多, 味道唔差, 煎珠珠鸡都可以, 面层口感明显有煎过
皮蛋瘦肉粥配蒸珍珠鸡 - 个粥几惹味, 几好食, 蒸珍珠鸡唔得软熟, 呢只都好似有少少生米
冻豆浆 - 味道可以
冻柠茶 - 都好大杯, 茶味好浓, 但加咗糖水后都冇乜柠檬既鲜味, 麻麻地好饮
张贴
