荷里活冰室 (利東商場)

营业中

休息中

晨早流流返工又要揾地方食早餐，瞓下醒下咁就入咗呢啲茶餐厅到食。基本上同其他茶餐厅最大分别系个环境，感觉佢啲餐具同用佢都比较靓，难得茶餐厅都有干净企理嘅感觉。怀旧沙爹牛肉汤公仔面 $38餐配搭滑蛋同丹麦奶油多士，平时好少见茶餐厅会搭奶油多士，多数都系牛油，虽然好似烤耐咗少少，不过都系脆嘅，而且冇苦味，配搭甜甜嘅奶油都几好食。正常炒滑蛋冇咩特别。沙爹牛肉算重味，对我嚟讲收货啦，公仔面煮得唔错，唔会煮太耐同煮到散晒，保留弹性。叫左杯冻柠茶要冻饮加三蚊，整体黎讲食物质素唔错，价钱就比一般茶餐厅贵少少，尚可接受。