華康餐廳 (已結業)

因为要到合和办点事，顺度先嚟呢度食过早餐补充体力先。已经过咗返工时间，所以店入面都唔多客人。感觉真系好似翠华咁，有鱼汤米线供应，以前食过都觉得唔错。点咗早餐A，有牛油方包、煎双蛋、鲍片肠仔通粉及热啡。牛油方包够软熟，唔似隔夜货色，牛油都够多；煎双蛋蛋黄部分不熟，呈现液体状，合乎本人口味，卖相又靓；通粉汤底几好唔系一般味精汤底，鲍片又好味，热啡味道够浓又香滑，都唔错。其实一心想嚟食奶油猪，不过唔知系咪换咗餐牌，见唔到有得供应。