炑

营业中

休息中

见到白梅贝切件咁上就知新鲜，果然每啖都鲜嫩弹牙，内脏都完全唔苦好易入口。好多时配酸汁嘅白身鱼都比较淡味，但伊佐木鲜味几突出，滑嘟嘟好新鲜。秋刀鱼鲜艳有光泽，好似系原产地食到咁新鲜，好甘香柔软，一丁点腥味都冇。帆立贝烧到表面金黄，少少三文鱼籽同柠檬汁创新又好夹。松叶蟹肉春卷外皮松化通透，打破左我对春卷主要系食脆皮嘅印象，松叶蟹肉内馅嘅存在感好强，甚至比平时蟹肉寿司嘅鲜味更加突出，真材实料，仲有浓郁嘅蟹味噌提味，系我人生食过最出色嘅春卷。蜜柑鲷带少少橘香，好清甜。 赤贝厚到好似食紧象拔蚌咁，入口前仲郁紧，鲜度爆棚。𫚕鱼配柚子胡椒估唔到几夹，柔嫩够油。大拖罗蛇腹肥到明显见到滴紧油，油香以外吞拿鱼香味都好强，入口即融。釜饭唔系想像中原煲上嘅形象，反而好似杯cocktail咁精美。 翎䲝鱼皮好脆口，拌饭食落有种食到饭焦嘅错觉，好香口。