時代冰室 (頌安商場)

营业中

休息中

以时代点变，味道始终不变为口号嘅时代冰室，分店都唔少，由于工作地方附近就有间，而且都无太多黄店，所以帮衬都不下数十次，而佢嘅水准都保持得好好，好食嘅继续好食，难食嘅都仍然难食，好符合佢个口号。葱油厚切猪扒 伴三眼煎蛋饭 $53可以话系最爱，虽然三只蛋好似好高胆固醇，但每次最后都会食哂三只半熟蛋，厚切猪扒先腌过再煎香，口感同味道都好好，猪扒大细都一直保持到，无做耐左就缩水嘅普遍餐厅嘅弊病，而葱油令猪扒饭更加好食，葱油处理先加盐爆香，口感爽脆，另外会有一碗甜豉油，令味道有更多变化。去时代已经只会独孤一味叫葱油厚切猪扒 伴三眼煎蛋饭，虽然时代嘅炒乌冬同带有酸嘅咖哩都唔错，但始终都系猪扒饭最啱我口味。