火鳳凰火鍋料理 (已結業)

突如期来的台风假，搞到要屈左系屋企食两日野，一有机会出番去就食尽d。在份量上其中一个选择就系打边炉。餐厅系旺角旺中带静的地方，坐位就专门为打边炉而设咁，比较阔落。两个人黎食都想尽量cover多D种类。汤底方面拣左个好有书卷气的名 —雪山飞狐锅，送到上黎果时又真系几有画面—一旧又一旧的蛋白好似一片片飞雪咁散落系海斑煲成的鱼汤上面。一啖鱼汤配一旧蛋白咁饮，味道鲜甜得黎又几得意，系正式开始边炉之前都饮左三四碗。煲入面的海斑都有一大条，稍为煎过再后加入汤，口感不俗。舖头主打几个必食套餐，小弟钟意食牛就少不免拣左至尊牛魔王。摆盘系一只金牛造型的盘，大份之余够哂霸气，上面铺左三款唔同的牛—美国封门柳、安格斯牛肩胛同顶级牛板腱。两个人食呢度大概有三至四人份量的牛拼盘有d多，但味道就真系一流。最深刻就系牛板腱，因为平时少机会有得食，呢度的牛板腱渌一渌少少爽口，牛味十足。 另外都点左广岛蚝同细鲍鱼等配菜，配料新鲜且价格相宜，食完都真系捧住个肚落楼，满载而归。