Umi

营业中

休息中

🎀 主食加$28/$48/$88升级套餐（$28 柠檬茶特饮+乳酪杯/$48 自选饮品+精选甜品/$88 自选饮品+自选甜品）▫️ M5和牛寿喜烧温泉蛋意大利饭 ($148)肉肉舖满碟面，份量都几多，配埋洋葱同大葱，以及甜甜的寿喜烧汁，再加上温泉蛋，十分惹味，意大利饭Creamy而不腻，轻松清碟 🫣。 ▫️ 北海道带子明太子意大利粉 ($148)卖相吸睛 💕，带子用竹签串住有啲似小丸子 🍡；除明太子外仲加咗唔少蟹籽同埋蟹柳，令食落唔会好单一；不过顺带一提面层挤咗沙律酱，有少少抢到明太子base嘅味道，觉得如果轻手少少会更好。 ▫️ 精选甜品 — 蓝莓芝士蛋糕口感上偏实，蛋糕份量适中，配埋面层微酸嘅蓝莓酱有少少中和返芝士本身带有嘅厚重感，加上甜度唔高，食完成件都唔会好济。 ▫️ 自选甜品 — 薄荷朱古力牛角窝夫本身想拣Tiramisu但当日去到已Sold Out 🫠，系店员推介下就拣咗呢一款。有三球薄荷雪糕加Brownie再配埋Croffle份量都几大，Share食比较适合 🤭。Croffle焗得脆脆地，如果牛油味再突出啲就更好。 ▫️ 自选饮品 — 静冈抹茶豆乳抹茶唔太浓，相比之下豆味会稍突出。