初凝 · 芝茶 (已結業)

旺中系一个扫街嘅好地方，小小嘅商场入面充斥住唔同嘅美食小店。今日就同次子黎左依度揾食，去到一楼嘅美食区，未开始食野就升买左两杯野饮。见到初凝 标榜住”只用德国鲜奶，不用奶精＂当堂心心眼😍个号码牌都好心思所以我地就拣左一杯芝士奶盖金凤茶王，走甜，常温。芝士奶盖，超浓郁奶香味，饮得出系鲜奶嘅奶香，彷佛去左养场即场揸牛奶咁呀🥰而且，金凤茶王茶底不错，走甜可以品尝到茶味本来嘅甘香。芝士奶盖配上金凤茶王系一个永不失败的组合。另一杯次子本身想拣柳橙冰绿，可惜当日冇橙汁，所以叫左西柚冰绿，微甜，少冰。下次有机会要再试返柳橙冰绿。西柚味唔会苦涩，但由于我地惊会太酸，所以依杯叫左微甜。甜酸度刚刚好，解渴一流！而且每一啖都有果肉，真是西柚唔系呃人☺️呢间小店仲支援好多支付方式，仲可以网上落单，超方便MENU上面提及有不同嘅优惠，当中有一项叫”每日任务” ，好奇之下问左职员系咩黎，职员话间歇性会有活动可以参与。