十二味新派川菜

营业中

休息中

最近喺旺角试咗「十二味」呢间餐厅，真系有惊喜！佢哋主打川菜同特色锅物，晚餐试咗秘制酱香锅、嵊州老面小笼包同炸小酥肉，真系样样都好味。首先，秘制酱香锅系今晚嘅主角，个锅可以拣唔同嘅配料，我拣咗田鸡、耗儿鱼、猪颈肉、花菜同宽粉。呢个锅底系用秘制酱料煮出嚟，味道浓郁又唔会太辣，酱香扑鼻，非常惹味。田鸡肉质鲜嫩，吸收咗酱汁嘅香气，入口即化；耗儿鱼同样系非常嫩滑，唔会食得好麻烦。猪颈肉系另一个亮点，肉质弹牙又有咬劲，脂肪同瘦肉比例刚好，食落去香浓不腻。花菜吸满咗锅底嘅浓郁酱汁，清爽中带啲辣味，宽粉亦煮得软糯但唔会过火，系吸汁好帮手，成个锅真系食得非常满足。嵊州老面小笼包都系唔可以错过嘅，尤其系辣味版！呢款小笼包肉汁丰富，辣味适中，带出咗肉馅嘅鲜味，辣嘅程度唔会太过火。最后，炸小酥肉简直系一大惊喜！外层炸得金黄酥脆，内里嘅猪肉保持嫩滑，炸嘅火候控制得啱啱好，唔会过干，咬落去每一啖都系肉汁同香脆嘅完美结合。配合埋佢嘅特制粉，味道更加香浓。