媽咪雞蛋仔 (已結業)

前晚响旺角夜缤纷，见肚饿就叫咗底鸡蛋仔嚟食。今次冇食到原味，而系拣咗朱古力味。落咗单之后，冇办法喇，始终都要排一下队，始终等紧嘅人数都有十个八个。等咗一阵终于有得食喇，用咗个硬身嘅盒，而唔系普通纸袋，的确系唔错。鸡蛋仔配朱古力呢一个食法我都几钟意嘅，但系鸡蛋仔始终最重要嘅都系够唔够脆身，而我买嘅呢一底呢，就做到喇。香味方面，成底鸡蛋仔都充满朱古力味，会令到我好想继续食落去，最后我一个人就以好快嘅时间，完成咗呢一份鸡蛋仔。