泰好記

营业中

休息中

女人街不嬲都多嘢食，有时谂唔到食咩就会乱入一间，今次去咗一间都几抵食嘅泰国嘢，个名仲系食字，叫做泰好记😂嘢食嘅选择都相当多，基本嘅泰国嘢都有齐。叫咗10次有九次我都食嘅香叶肉碎煎蛋饭，肉碎炒得好香，而且非常之够味，唔错！另外仲有马拉盏炒通菜，非常大兜，而且好够镬气，好有泰式风味👍🏻而红咖喱牛肉亦都好足料，除咗肥牛之外，亦都有茄子、四季豆等等，非常惹味！另外叫咗一份蒜蓉包，蒜蓉包都焗得好香脆，而且搽得够多蒜蓉牛油，够香！嘢饮就叫咗食泰国嘢必饮嘅珍多冰同椰青，非常之解暑！