孖啡 (已結業)

旺角孖啡Cafe餐牌有多款主菜、小食、汤、饮品、甜品，Dinner Set套餐送$38饮品一杯，另外仲可以优惠价加配餐汤及甜品，非常抵食。龙虾汤：每一啖都饮到龙虾既鲜味，非常可口。特式拼盘：有鸡翼/洋葱圈/鱿鱼圈/咖喱角/薯角，炸到热辣辣，好食到唔停得口。凯撒沙律：沙律菜新鲜爽脆，仲有脆脆面包糠、咸香烟肉粒及碎芝士，配埋沙律酱汁，整碟沙律好开胃、好健康。鲜茄芝士焗猪扒饭：焗饭面既半融芝士和酸酸甜甜既蕃茄，味道好夹，烤到金黄色，猪扒不算太厚切，但肉质软腍，咬下去肉味十足，味道一流。朱古力心太软拌云呢拿雪糕：朱古力心太软够流心，配埋雪糕一齐食，一冷一热，冰火交融，口感极满足。总结，餐厅食物既口感和味道也相当出色，性价比之选。