牛站(駅)麻辣火鍋放題

营业中

休息中

上次食过呢间火锅放题店喺观塘嘅分店，原来旺角都有佢嘅分店，约朋友嚟食饭就更加方便啦😍 我哋今次叫咗2号餐，SRF美国极黑和牛套餐 。天气开始转凉，所以叫咗两款冬日暖身嘅汤底，枝竹羊腩锅同胡椒猪肚锅 。胡椒汤真系足料，羊腩锅又真系有几嚿羊腩，食完个人更加暖笠笠🐑作为食肉兽，就梗系要狂叫唔同嘅肉啦，呢度每碟有大约2-3片肉类，方便大家预份量😙呢个级别嘅餐先有嘅SRF美国极黑和牛片、美国安格斯牛板腱同封门柳当然系我嘅主打啦 。除咗肉都有海鲜嘅选择，例如帆立贝、鲜甜海虾同爽脆墨鱼 🦑 而其他火锅配料就可以落单或者喺出面自助吧攞。特别要提吓小食嘅部分，火锅放题都有得食乳鸽王同芝麻鸡翼，两款都炸得外皮好脆，但系都会有好多肉汁，每次嚟都会叫返几只嚟食 。最钟意呢度唔使加钱都有啤酒任饮，有我最钟意嘅日本品牌🍻而甜品嘅雪糕雪条任食之余，甜品柜仲有好多款一杯杯嘅甜品仔🤩 真系够晒多选择，唔似得出面坊间某啲火锅放题限一杯雪糕咁孤寒 。呢间火锅放题真系值得一试再试，不过大家记得book台，上次7点嚟到等walk in，要去到9点半先有位啊 。