如一

营业中

休息中

好耐都冇食过私房菜喇~~ 今晚就跟好友黎到旺角佢推介既"如一"食!!一黎先食个冰镇醉鲍鱼!! 劲大只呀, 食落唔会韧, 爽口, 而且够冰凉, 有好香花雕酒味, 正!!杏汁花胶白肺汤,  个汤真材实料, 杏汁味非常浓郁, 花胶又大又烟韧, 而猪肺洗得超干净, 食完一旧又一旧, 唔错!!香煎虾饼 - 虾饼煎到金黄色, 食落爽口又弹牙~~如一手撕鸡 - 招牌菜, 真心一定要点, 鸡肉同鸡皮都好滑, 平时唔食皮既我今次连皮食呀!!陈皮蒜子榄角蒸龙趸脊 - 龙趸脊 啖啖肉, 食落好滋味! 姜汁炒芥兰 - 健康又翠绿, 炒得够锅气~~