點心到 MIX·大排檔

营业中

休息中

同FD喺金鸡广场睇电脑，行咗好耐，睇到哩间铺头都算就脚，咁试试啦。哩间晚市都差唔多full哂，座位都算阔落，坐得好舒服。晚市提供啲点心唔算多，大部分喺炒菜，今日叫咗红烧乳鸽，手拍青瓜，麻辣鸡煲，沙参玉竹炖土鸡汤同卡通芋蓉包。哩间嘢食可以根据人数叫点心，唔哂惊唔够件数，都几贴心㖞。沙参玉竹炖土鸡汤好足料，鸡大大件仲有3件，成碗都喺枸杞沙参玉竹，感觉好健康。汤好鲜甜，饮落真喺饮得出喺足料老火汤，正！红烧乳鸽好快来咗，乳鸽已经切咗4件，细细件食落好方便，仲搭配咗盐同豉油汁。皮真喺烧得好香脆，肉又好juice好幼滑，食落好满足。乳鸽预先处理过，唔哂点酱汁已经好够味，好食！手拍青瓜同出面差唔多，不过哩间加咗好多蒜蓉，食落好重蒜味同埋酸酸甜甜好清爽，食到停唔落口。麻辣鸡煲好大一份，鸡肉预先炸过，皮喺有少少焦香，唔会好肥腻。鸡肉索哂麻辣酱汁，好惹味。啲洋葱和青椒都好香口，仲有蔬菜啲甜味，配饭吃一流。最后啲甜品喺卡通芋蓉包，哩个卡通芋蓉包好得意啊，上面表情都唔同，好cute。芋蓉好足料，又未算好甜，OK。行出去埋单，台台都叫咗咕咾肉，好似好好味咁，下次一定要黎试试佢啦。