影片
更多
2019-03-12
71 浏览
星期日同两位妹妹去旺角行街街，我就负责「揾食」。新之城地下有间新开餐厅，望望餐牌都差唔多两点半都仲有set lunch食，啲主食仲好似几吸引，一set只系$70咁抵食，一于try try。是日餐汤系【意大利杂菜汤】，汤入面有大量萝卜、洋葱、番茄，仲有芝士碎提味。酸酸哋够晒开胃。热饮有果茶、胶囊咖啡等等。呢几日仲系冻冻地我又有啲伤风喉痛，我就㨂咗【菊花干果茶】，淡淡菊花香润一润喉。【红烧安格斯牛面颊配牛油胡萝卜】有三大件牛面颊肉，一刀切落去好容易就分开，肉质极软腍而且肉味丰富，配上红烧汁更加滋味。【锅烤法国春鸡及纽伦堡肠配烩烟肉青豆】法国春鸡俾咗鸡脾位，肉质嫩滑，锅烤出嚟好香口；纽伦堡肠就皮脆而肉汁丰富，好惹味。配菜有烟肉青豆同洋葱薯仔，唔系一般平价餐厅只俾薯条薯菜咁「寡」，而且份量都唔少，抵食。【蟹肉及带子配龙虾汁意大利粉$118】我哋三个都钟意食海鲜，蟹同龙虾就更加唔可以错过，呢个虽然唔系set lunch但忍唔住要叫。上碟见到三大粒带子同六旧蟹肉，阿妹忍唔住问「啲蟹肉咁多咁抵食？啲蟹肉系咪系咪真蟹肉嚟架？」。讲咁多做乜，等我帮你试吓啦，蟹肉唔单止真仲要肉质鲜爽；试埋个带子，封煎得香
是日餐汤系【意大利杂菜汤】，汤入面有大量萝卜、洋葱、番茄，仲有芝士碎提味。酸酸哋够晒开胃。
热饮有果茶、胶囊咖啡等等。呢几日仲系冻冻地我又有啲伤风喉痛，我就㨂咗【菊花干果茶】，淡淡菊花香润一润喉。
【红烧安格斯牛面颊配牛油胡萝卜】有三大件牛面颊肉，一刀切落去好容易就分开，肉质极软腍而且肉味丰富，配上红烧汁更加滋味。
【锅烤法国春鸡及纽伦堡肠配烩烟肉青豆】法国春鸡俾咗鸡脾位，肉质嫩滑，锅烤出嚟好香口；纽伦堡肠就皮脆而肉汁丰富，好惹味。配菜有烟肉青豆同洋葱薯仔，唔系一般平价餐厅只俾薯条薯菜咁「寡」，而且份量都唔少，抵食。
【蟹肉及带子配龙虾汁意大利粉$118】我哋三个都钟意食海鲜，蟹同龙虾就更加唔可以错过，呢个虽然唔系set lunch但忍唔住要叫。上碟见到三大粒带子同六旧蟹肉，阿妹忍唔住问「啲蟹肉咁多咁抵食？啲蟹肉系咪系咪真蟹肉嚟架？」。讲咁多做乜，等我帮你试吓啦，蟹肉唔单止真仲要肉质鲜爽；试埋个带子，封煎得香口爽甜。最紧要系个意粉系淋满咗龙虾汁，够晒惹味。
喺旺角食个茶仔午餐都差不多$50，味道唔会好得去边之余仲要随时俾侍应笑笑口叫你走。呢度喺正旺角最潮区域，仲要咁高CP值，实在揾唔到唔翻兜嘅理由～
张贴
