孖啡 (已結業)

旺角有好多楼上café，今日同朋友去左孖啡，场内环境阔落，气氛唔错。餐厅提供多款Dinner Set，套餐包一杯$38饮品，另外有多款主菜、小食、汤/甜品，饮品有咖啡系列、朱古力系列、红茶/绿茶/梳打系列、水果茶系列、塔罗特饮。龙虾汤：有好香浓既龙虾味，鲜味十足。全日早餐：有烟三文鱼、薯饼、兵加肠、茄汁焗豆、炒蛋、沙律、牛角酥，非常丰富；烟三文鱼咸香味十足，薯饼炸得香口，炒蛋滑溜，沙律菜新鲜，牛角酥烘得香脆，这个全日早餐本身CP值已经相当高，加上摆盘精美，打卡度100%，高质必食！芝士焗吞拿鱼天使面：天使面煮得软硬适中，吞拿鱼捞埋芝士既酱汁，有拉丝效果，份外邪恶。芝士蛋糕：芝士味道浓郁，口感幼滑细腻。总结，餐厅食物好味，环境舒适，三五知己或一大班朋友都可以嚟食下玩下。