潮城潮汕火鍋

营业中

休息中

天气转凉最岩就系打边炉～收工之后同老公去旺角行街，咁啱见到呢间火锅店好似几吸引～我哋叫咗蕃茄粟米猪骨汤底, 汤入面好足料! 有好多粟米萝卜等等配料, 味道好鲜甜~匙柄口感比较弹牙, 都几多肉汁～几好食😋匙仁肉质比较柔嫩, 都几重牛味! 😍蒙古羊肉片唔会有太臊～肉质好幼嫩,唔会鞋口,好正👍🏻鱼皮饺口感爽脆～猪肉粟米饺皮薄馅多,几足料~娃娃菜好鲜甜, 好挂汤!炸潮州鱼蛋鱼蛋新鲜炸起, 好重鱼味～热辣辣好弹牙, 几好味! 侍应会教你每样肉类要渌几耐, 呢样嘢几贴心, 餐厅亦都有好多牛肉部位可以选择! 下次再嚟要同朋友过嚟先可以试多啲嘢😝