白咖喱公司

营业中

休息中

有次经过旺角发现沙嗲王原来开咗副线，专食佢地嘅白咖喱。已经好耐冇食过沙嗲王嘅我，今次要试试佢，而且就咁望落menu都好吸引。除咗有白咖喱饭，仲有汤面、铁锅。今次两个人都系叫白咖喱，另外再加小食，再叫咗杯番石榴乌龙茶。白咖喱厚切吉列猪扒饭叫咗一个最经典嘅白咖喱吉列猪扒饭，4大旧，真厚切，炸完都keep到个肉汁同唔鞋口。白咖喱特长吉列鱼柳饭另外特长吉列鱼柳饭条鱼柳真系好好好长，唔系用炸粉扮长果啲，一啲都唔hea 。即过即炸肉质嫩滑。白咖喱keep到以前嘅味道，但佢个量用黎捞饭就有啲少，可能要问店员有冇得加汁。龙虾汤都系入货果啲普通味(似m记嘅龙虾汤味)，蒜蓉牛油鸡翼偏咸，烤饼都系正正常常。整体环境阔落坐得舒服，够冷气，上枱速度快。将沙嗲王嘅皇牌食饭revamp 去一条young啲嘅路线，仲出咗啲周边product可以买，食物水准都keep到，真系唔错。