影片
更多
2024-11-03
209 浏览
难得一个人喺旺角觅食，见到餐厅嘅价钱都唔会话好贵，丰俭由人，作为一人饭堂呢个价钱都相当之合适，所以如果想一个人食吓生煎包、小笼包绝对可以拣呢间餐厅。‣ 上海排骨菜饭＋生煎包 $54佢嘅排骨讲到明系即刻炸，所以上枱嘅时候都仲系热辣辣，炸得相当之金黄酥脆，而且肉质软嫩，真系值得嗌嚟食。米饭就粒粒分明，配淡淡嘅菜香，唔会太硬又唔会太软。见到隔离枱嗌拌面都好吸引，下次应该会试吓食拌面。而佢嘅生煎包确实真系好出色，外皮酥脆而且一啲唔会太厚身，唔会令到个口好干，啱啱好。入边仲保留咗好多肉汁，所以咬落去嘅时候都要小心啲焫亲，味道相当之唔错，钟意佢唔会好油腻。‣ 原味上海小笼包 $40就算食唔晒啲饭，我都要嗌个小笼包食吓，价钱唔会话好贵，一样皮唔会好厚身，而且又保留到佢啲汤汁。鲜甜得嚟又带有少少油润感，呢个价钱嚟讲绝对系冇得输嘅小笼包，食完一笼会觉得唔够喉想嗌多一笼。如果下次我同朋友一齐嚟，我应该会试吓佢嘅蟹黄小笼包，感觉味道应该再提升一个层次。而套餐就送咗杯冻豆浆，而家做紧无限添饮推广，不过饮惯咗无糖豆浆，饮返甜豆浆有啲唔惯。但系佢啲豆浆嘅豆香味真系好浓郁，唔会饮落口淡茂茂沟咗好多水咁，呢个价钱真系
‣ 上海排骨菜饭＋生煎包 $54
佢嘅排骨讲到明系即刻炸，所以上枱嘅时候都仲系热辣辣，炸得相当之金黄酥脆，而且肉质软嫩，真系值得嗌嚟食。米饭就粒粒分明，配淡淡嘅菜香，唔会太硬又唔会太软。见到隔离枱嗌拌面都好吸引，下次应该会试吓食拌面。
而佢嘅生煎包确实真系好出色，外皮酥脆而且一啲唔会太厚身，唔会令到个口好干，啱啱好。入边仲保留咗好多肉汁，所以咬落去嘅时候都要小心啲焫亲，味道相当之唔错，钟意佢唔会好油腻。
‣ 原味上海小笼包 $40
就算食唔晒啲饭，我都要嗌个小笼包食吓，价钱唔会话好贵，一样皮唔会好厚身，而且又保留到佢啲汤汁。鲜甜得嚟又带有少少油润感，呢个价钱嚟讲绝对系冇得输嘅小笼包，食完一笼会觉得唔够喉想嗌多一笼。如果下次我同朋友一齐嚟，我应该会试吓佢嘅蟹黄小笼包，感觉味道应该再提升一个层次。
而套餐就送咗杯冻豆浆，而家做紧无限添饮推广，不过饮惯咗无糖豆浆，饮返甜豆浆有啲唔惯。但系佢啲豆浆嘅豆香味真系好浓郁，唔会饮落口淡茂茂沟咗好多水咁，呢个价钱真系抵食又好食。
张贴
