甘甘好蔗 (已搬遷) 新店位置

今日lunch同同事外卖自取，经过依间甘甘好蔗，平时好少见专卖甘蔗汁嘅饮品店，望落个Menu都好似好健康，都系一啲天然嘅材料，所以今次就帮衬吓新嘢。我就拣咗杯宫崎的夏天，比依杯个靓靓卖相吸引到，依杯喺生椰乳加甘蔗汁，饮落好清甜，我本身唔喺太钟意甜，平时饮其他铺头都会走甜，依杯我无走甜，但我都接受到，而依杯真系唔喺糖浆只假甜，入面仲有一片片椰果肉，口感丰富，足料，正!我同事叫咗甘蔗美式，我试咗一啖，饮落咖啡味同甘蔗味好夹，我谂甘蔗喺代替咗糖，饮落完全唔觉得奇怪，系天然嘅甜味，都系好清甜。铺头环境都系开放式，所以都会睇到店员制作过程中用到一条条甘蔗现场新鲜榨汁，真材实料。下次有机会都想试吓甘蔗同其他水果嘅配搭。