影片
更多
2024-11-24
395 浏览
天气开始转凉，真系会好想打边炉😎 呢日同朋友约咗嚟旺角烚吓烚吓，朋友拣咗呢间人气高企嘅火锅店😙 我哋嗌咗SRF美国极黑和牛套餐 。锅底汤底都有10款以上可以选择，我哋拣咗期间限定嘅枝竹羊腩锅同埋胡椒猪肚锅🥰 两款都劲足料，入面真系有羊腩同埋猪肚㗎。肉类呢个套餐都有好多肉类选择，猪牛羊鸡全部都有，特别钟意佢嘅SRF美国极黑和牛片同埋羊肉片😍 两款都好高质，我哋都返叫咗好多次。海鲜我钟意食嘅海鲜其实唔多，呢度有嘅款式都满足到我，有爽脆墨鱼、帆立贝同埋鲜甜海虾🦐 海虾肉质弹牙。火锅配料可以用QR code落单，或者去自助区𠮶度自己拣😗 QR code落单方面我推介大家嗌手包虾肉云吞，入面嘅馅好足料🥟 仲有台北鸭血同埋鲜鸡子嗌㗎。整体嚟讲呢度嘅火锅配料都好新鲜，仲有多款丸类及蔬菜可以选择😆小食呢度嘅小食超级正，乳鸽王同芝麻鸡翼都炸得金黄香脆，仲有波波肠同酱爆糍粑都几好，啲食物未渌熟嘅时候就可以食呢啲 😂自助吧有冷盘区、饮品、甜品同各配火锅配料，例如菜同丸类 ，全部都放得几整洁㗎😎呢间旺角店真系好多食客帮衬，但系上菜速度都快，冇漏单，店员都好快就收碟，服务唔错😌
锅底
汤底都有10款以上可以选择，我哋拣咗期间限定嘅枝竹羊腩锅同埋胡椒猪肚锅🥰 两款都劲足料，入面真系有羊腩同埋猪肚㗎。
肉类
呢个套餐都有好多肉类选择，猪牛羊鸡全部都有，特别钟意佢嘅SRF美国极黑和牛片同埋羊肉片😍 两款都好高质，我哋都返叫咗好多次。
海鲜
我钟意食嘅海鲜其实唔多，呢度有嘅款式都满足到我，有爽脆墨鱼、帆立贝同埋鲜甜海虾🦐 海虾肉质弹牙。
火锅配料
可以用QR code落单，或者去自助区𠮶度自己拣😗 QR code落单方面我推介大家嗌手包虾肉云吞，入面嘅馅好足料🥟 仲有台北鸭血同埋鲜鸡子嗌㗎。整体嚟讲呢度嘅火锅配料都好新鲜，仲有多款丸类及蔬菜可以选择😆
小食
呢度嘅小食超级正，乳鸽王同芝麻鸡翼都炸得金黄香脆，仲有波波肠同酱爆糍粑都几好，啲食物未渌熟嘅时候就可以食呢啲 😂
自助吧
有冷盘区、饮品、甜品同各配火锅配料，例如菜同丸类 ，全部都放得几整洁㗎😎
呢间旺角店真系好多食客帮衬，但系上菜速度都快，冇漏单，店员都好快就收碟，服务唔错😌
张贴
