影片
更多
2012-04-09
113 浏览
辉香园系土瓜湾一间老牌茶餐厅,近几年o系油麻地开设分店油麻地分店位于地铁站窝打老道出口,未做团购优惠前呢间分店o系 OpenRice 都系全部劣评我地谂住呢间分店有个洗心革面之作,借团购优惠令多o的人对呢间餐厅改观,点知愈做愈差,令到更多人却步之前o系网站以每张$14 o既价钱买左两张 coupon,每张 coupon 可以换到一碗粉面配一款𩠌,油菜或炸鱼皮一碟以及一杯热饮(冻饮加$2)一个抵到你唔信o既优惠,令到有人押重注买成29张 coupon 咁多,但后来油麻地分店突然附加每日限额20个团购优惠条款,店员未够 3pm 已经话食材沽清,团购暂停两间分店要o系三个月内消化 6000多张 coupon,即系平均每间分店每日要提供至少33份套餐,每日限额20个令到好多人都用唔到 coupon,最后呢间分店将每日名额加至50个,希望能够解决问题我地要左一碗云吞河,一碗牛肚河,两碟油菜,一杯热咖啡及一杯热杏霜云吞河现今资讯发达,我地未去辉香园之前留意过有团购客人o既云吞面只得三粒云吞明知山有虎,偏向虎山行, BabyBamboo 支持者系都要选择云吞河,想体验一下云吞o既数量今次破左健力士世
油麻地分店位于地铁站窝打老道出口,未做团购优惠前呢间分店o系 OpenRice 都系全部劣评
我地谂住呢间分店有个洗心革面之作,借团购优惠令多o的人对呢间餐厅改观,点知愈做愈差,令到更多人却步
之前o系网站以每张$14 o既价钱买左两张 coupon,每张 coupon 可以换到一碗粉面配一款𩠌,油菜或炸鱼皮一碟以及一杯热饮(冻饮加$2)一个抵到你唔信o既优惠,令到有人押重注买成29张 coupon 咁多,但后来油麻地分店突然附加每日限额20个团购优惠条款,店员未够 3pm 已经话食材沽清,团购暂停
两间分店要o系三个月内消化 6000多张 coupon,即系平均每间分店每日要提供至少33份套餐,每日限额20个令到好多人都用唔到 coupon,最后呢间分店将每日名额加至50个,希望能够解决问题
我地要左一碗云吞河,一碗牛肚河,两碟油菜,一杯热咖啡及一杯热杏霜
云吞河现今资讯发达,我地未去辉香园之前留意过有团购客人o既云吞面只得三粒云吞
明知山有虎,偏向虎山行, BabyBamboo 支持者系都要选择云吞河,想体验一下云吞o既数量
今次破左健力士世界纪录,一碗云吞河只系得两粒云吞,仲少过平时卖$10 一碗o既粉面舖份量
牛肚河原本团购优惠系可以任选牛腩、牛什、牛筋、云吞、水饺、鱼皮饺、鱼蛋、鱼片头、墨鱼丸、牛丸、猪肉丸或猪手一款𩠌
之前听闻好多人都与牛无缘,店员表示牛腩,牛肚,牛筋已卖清
本人谂住当晚好好彩,冇得要牛腩都有安慰奖牛肚补数,点知落单后听到隔离枱俾正价o既客人又有得要牛腩,真系令人激气
牛肚系正常份量一半,只系得几条,而且唔够入味
热咖啡水准都偏低,唔知点解好酸自己屋企冲o既普通平价雀巢咖啡都唔会有酸味
热杏霜不过不失
呢个套餐系可以选择油菜或炸鱼皮一碟,不过可能系成本问题,未听闻过有团购客人成功品尝炸鱼皮油菜冇得选择,只有白菜一款
今次优惠可能定价太低,再加上 coupon 超卖,搅到份量严重缩水,货不对办,又限住每日使用人数,真系商誉受损,好事变坏事喔!幸好我地只系去一次就成功入座享用呢个优惠,唔驶o系门口呆等,亦都难得一见以团购优惠成功食到稀有牛肚
相信日后路过都唔会再帮衬,辉香园都系比较适合继续做返街坊饭堂,区外人唔值得一去
张贴
