語命Cafe (已結業)

忙完midterm当然要揾好野食慰劳自己，系旺角误打误撞入左呢间cafe。入面环境几舒服，每个位都有得叉电，好贴心亦有啲board game 玩。我地叫意大利粉同小食拼盘。意大利粉卖相一流，蒜香味好香，采用既意粉较幼，al dente有咬口，真系好好味! 值得推荐俾大家！另外叫左小食拼盘，有薯条，炸鱼柳，炸鸡翼，炸虾同炸蚝。份量多到你唔信，薯条好香脆，好大条。炸鱼柳味道一流，鱼肉好厚身，好滑溜，炸浆包晒𠮶鱼肉。至于鸡翼外皮好脆，热辣辣香喷喷。炸蚝外皮脆之余生蚝亦保留到creamy口感。炸虾都炸得好好味。餐厅亦有关于星座既特饮，女朋友叫左白羊，我就叫左天蝎，一杯都好多份量，女朋友𠮶杯其实系白桃乳酸沙冰，女朋友话唔会好甜，但沙冰白色中带一点粉红好靓，好有少女气息。我𠮶杯系青苹果梳打，甜度适中，呈现紫色同绿色，带俾我星座𠮶种梦幻感觉。