星怡 (已結業)

餐厅：星怡地点：尖沙咀iSQUARE菜式：新加坡菜餐牌：小食，沙律，多士，海鲜，肉类，菜类，素菜，肉骨茶，喇沙，汤面，汤类，饭，面，油酥饼，甜品，饮品参巴烧大鸡扒 $88 另加一参巴烧大鸡扒好大块，鸡扒连皮烧，烧得皮脆肉嫰。个参巴酱好惹味，呢度个味同出面唔同，系甜甜地又微微辣，好易入口，呢个酱配鸡扒好夹。伴有加左白色沙律酱既杂菜沙律配车厘茄可解腻。马来参巴烤魔鬼鱼 $128 另加一马来参巴烤魔鬼鱼一大件连骨， 不过食落好易起骨，肉质嫩滑多汁，其实真系可以连骨食埋，因为大部份系软骨。配有大量参巴酱，好够味。同参巴烧大鸡扒一样伴有杂菜沙律配车厘茄。我系第一次食魔鬼鱼，原来系几好食架wor。伴有桔仔一粒比你自己调味。马拉盏炒通菜 $78 另加一马拉盏炒通菜热辣辣上枱，通菜茎脆口，而通菜叶嫩口，炒得好够味，加有蒜蓉同指天椒，味道少少辣，好惹味。新加坡鱼蛋喇沙 $68 另加一新加坡鱼蛋喇沙汤色水呈橙色，洒上香草，饮啖汤先，好香椰浆味而辣度刚好。配料有白鱼蛋四大粒，好弹牙又健康。都有鱼饼4片，口感都唔错。仲有淋滑蛋半只。油面够淋，都好滑溜，份量唔少，加埋爽口芽菜有多重口感。另外仲有3件豆卜。呢个价