影片
更多
2018-03-14
1074 浏览
好耐无俾过咁高分其实单讲食物质素，9分都平均可以reach到但夜晚人一多，食物水准稍下降同上菜有漏单之嫌，就略扣0.5分星期一6点半入座对于想放纵食烧烤既人应该无敌。包场，厨师又剩系为你烧，透过落地玻璃望住人来人往既街景，同朋友摸住酒杯底，带点微醺地咀嚼和牛，真系一绝所以，唔想同人逼既朋友不妨早d到，会有惊喜左：免治鸡肉串，唔系普通既麦乐鸡系鸡肉中加左鸡软骨，又夹杂未成溶既鸡肉，口感十足中：薄烧牛舌，牛舌系靓既，但薄烧相对失色，无左牛吿肥美既口感，下次都系要叫厚烧先得右：烧牛粒，牛有几只味，黑椒最为出色，一咬落去，d肉汁简直好似抢闸泌出黎一样上面：烧茄子，鸡脾菇。不过不失，但点都要食点蔬菜烧鳝条，鱼肉肥鲜，但表面有d太焦，略影响口感，而且骨有点略多。成班朋友一边食一边倾计，差d误呑鱼骨蒜蓉牛油烧珍宝带子，比起其他食物，因为带子本身味较淡，食得出鲜，但就少左烧烤该有既焦香心目中既必食头三甲，惊艳非常生蚝生鲜唔再讲，连埋海水一齐烧，加d烟肉碎都抢唔到生蚝既味道，表皮熟咬落有破皮感觉，点知咬到落去仲系生既，系个股熟悉既生蚝味，配合得天衣无缝可惜后尾人多再叫既蚝就相对差，如果呢只系9分，咁个只
其实单讲食物质素，9分都平均可以reach到
但夜晚人一多，食物水准稍下降同上菜有漏单之嫌，就略扣0.5分
星期一6点半入座对于想放纵食烧烤既人应该无敌。包场，厨师又剩系为你烧，透过落地玻璃望住人来人往既街景，同朋友摸住酒杯底，带点微醺地咀嚼和牛，真系一绝所以，唔想同人逼既朋友不妨早d到，会有惊喜
左：免治鸡肉串，唔系普通既麦乐鸡系鸡肉中加左鸡软骨，又夹杂未成溶既鸡肉，口感十足中：薄烧牛舌，牛舌系靓既，但薄烧相对失色，无左牛吿肥美既口感，下次都系要叫厚烧先得
右：烧牛粒，牛有几只味，黑椒最为出色，一咬落去，d肉汁简直好似抢闸泌出黎一样
上面：烧茄子，鸡脾菇。不过不失，但点都要食点蔬菜
烧鳝条，鱼肉肥鲜，但表面有d太焦，略影响口感，而且骨有点略多。成班朋友一边食一边倾计，差d误呑鱼骨
蒜蓉牛油烧珍宝带子，比起其他食物，因为带子本身味较淡，食得出鲜，但就少左烧烤该有既焦香
心目中既必食头三甲，惊艳非常生蚝生鲜唔再讲，连埋海水一齐烧，加d烟肉碎都抢唔到生蚝既味道，表皮熟咬落有破皮感觉，点知咬到落去仲系生既，系个股熟悉既生蚝味，配合得天衣无缝可惜后尾人多再叫既蚝就相对差，如果呢只系9分，咁个只就系6 7分左右，都几睇彩数
encore时感觉有d肥腻，就胆粗粗叫左呢个桂花蜂蜜蕃茄酸酸甜甜加花香，真系好解腻Last but not least，我既top3另外2位
饭桶一定要食淀粉～烧年糕。 高分系有原因，米香足，海苔脆，烧汁搭
饭后一定要有甜品～夹心棉花糖。唔同我地食开bbq既棉花糖，少甜，已经食完咁腻既烧烤都可以多食几旧。 烧过既棉花糖口感比原来更有趣，好烟韧
（愈系高分愈唔影相，到底想点）
张贴
