割烹 櫓杏 (iSQUARE國際廣場)

营业中

休息中

今日唔使OT，又系星期五，谂住去食餐好嘅奖励吓自己辛苦。公司啱啱喺尖沙咀附近，我就谂起我之前食过嘅日式餐厅。𠮶度啲嘢食到依家我都好难忘，非常之好食，而且摆盘又靓，随便影都咁靓。所以就谂住去𠮶度食埋晚餐happy hour吓。橹杏特制火炙鲭鱼棒寿司配海苔真系好得意！鲭鱼棒带咗唔同嘅口感，食落仲带有鱼油香味，令味道更加正！仲要加埋厚实嘅海苔做搭配，正到冇朋友！炸牛蒡带住微微嘅咸味同埋香味，食落特别爽口！而且食饱之后食，更加放松！芦北名物 太刀鱼味醂干系我最快食完嘅一道菜！因为厨师炸得实在系太脆，非常爽口，好似自己喺度食零食咁！鹿児岛式豚肉葱涮涮锅嘅汤好香，渌咗豚肉之后，仲带住甜味，成个味道更加浓郁，好正！仲有啲菜都好新鲜，食落特别爽，系好完美嘅搭配！一个人嘅happy hour真系好正！我下个星期仲要嚟呢度放松食埋晚餐！