華聯

营业中

休息中

通常星期六都会同屋企人落街食饭，有时系食日本餐，有时都会食下小菜，今次就黎左依间食小菜。照例都系三个𩠌，四碗饭。三个𩠌就例牌两肉一菜，两肉就叫左个霸王鸡同个椒盐鲜鱿，菜就叫左个北菇鲍片扒时蔬。好老实讲，唔觉得特别好食，只能算系正常水准。个霸王鸡系最好食既，啲鸡味十分之浓，虽然肉质唔是极嫩都可以接受。要知道系依个时代要出街食到有鸡味既鸡已经好困难。椒盐鲜鱿都系大路野，不过本身香口，外酥内弹，爽弹既鱿鱼肉从来都系我钟意既，咁就加左唔少分。而个个菜，就正常，北菇同鲍片都唔系话好新鲜，反而个菜就几新鲜，入口腍而清新好味，而且价钱并唔贵，值得既一餐。