Backyard (已結業)

星期日嘅brunch約咗朋友去荃灣食呢間嘅brunch。因為朋友遲到，所以我哋就食住沙律等佢，佢哋嘅沙律🥗、小食同埋湯都係任食，質素還好。不過有日式八爪魚仔，即製夾餅、麻醬豆腐等咁多食物，我覺得以呢個價錢係抵既。我食咗炸魚薯條🍟，千萬別小看他份量好似好細，其實都好夠飽。仲要加埋沙律同埋任食嘅小食，就係絕對夠食嘅。炸魚外脆內軟，魚有鮮味唔會有雪藏味，薯條炸到脆卜卜，全部都即叫即整，絕對係誠意之作。