常滿百家菜

营业中

休息中

星期日同老豆去饮荼，四周都大排长龙，老豆提议去呢间，冇所谓顺佢意。未上到酒楼先要系下面排队等升降机..上到去坐低左，但好耐都冇人黎招呼我地，冇计人手唔够。即系填点心纸医下个肚先。等左20分钟到，d点心都陆续上枱。菜苗饺- 热辣辣，不过就痴底，一啖一只，味道清淡而且入面有马"睇"，咬落有口感而且健康啱哂老人家，又唔"un"唔洗咬好耐。叉烧包都系热辣辣，d料同包既比例就差d。开始果时有d干，要食到去有叉烧果d位mix埋一齐先冇咁干。蟹籽烧卖就正正常常，口感实，有咬口。布拉肠粉够滑，食落唔会好似d粉浆咁，完全系冇味，要靠鼓油去吊味。啱哂老人家要几咸自己话事。而且都好大碟下。叉烧肠就差d，d叉烧有少少雪藏味，但d肠粉就够滑，口感就淋淋地痴痴地咁。