影片
更多
2024-12-09
1175 浏览
Pirate Group 餐厅通常食物质素都唔错，适逢屋企人生日，咁岩星期日又有6 岁楼下既小朋友可以享用免费儿童餐，又有游戏玩，扭波波，手绘，就一早上官网订左位，仲拣选左系庆祝生日。见到餐厅本身有甜品，又一早问左系米庆祝，以为餐厅会有生日牌或者特别既greetings, 点知到走个阵都系冇既。12 点就去到，室内位置唔算大，但户外都有唔少座位，全场都见到好多既小朋友，都欣赏当中有一两枱两个人撑枱脚既朋友会星期日拣呢间餐厅。小朋友餐（$168)中间有d 沙律酱既蟹柳，夹住少少牛油果。好彩叫左汁另上，因为佢个照烧汁都几重味。小朋友饮品都系包，可以拣苹果汁或者橙汁。 本身二拣一雪糕或者生果，唔知点解最后两样都有。大人先系前菜有5款（share)，热食的话都食得出系新鲜即做。等+食呢5碟食小食都过左一个钟。见到厨房只系keep 住出前菜同小朋友既寿司卷，完全系做唔切既感觉，最后要催下职员麻烦上寿司同生蚝，因为之后都仲有main course。职员都有道歉又真系好快出到呢个寿司船出黎。以下成条船既野食都系unlimited 无限咁叫！食材系新鲜，刺身都鲜甜。都有即刻encore 左一次。因为任
见到餐厅本身有甜品，又一早问左系米庆祝，以为餐厅会有生日牌或者特别既greetings, 点知到走个阵都系冇既。
12 点就去到，室内位置唔算大，但户外都有唔少座位，全场都见到好多既小朋友，都欣赏当中有一两枱两个人撑枱脚既朋友会星期日拣呢间餐厅。
小朋友餐（$168)
中间有d 沙律酱既蟹柳，夹住少少牛油果。
好彩叫左汁另上，因为佢个照烧汁都几重味。
小朋友饮品都系包，可以拣苹果汁或者橙汁。
本身二拣一雪糕或者生果，唔知点解最后两样都有。
大人先系前菜有5款（share)，热食的话都食得出系新鲜即做。
等+食呢5碟食小食都过左一个钟。
见到厨房只系keep 住出前菜同小朋友既寿司卷，完全系做唔切既感觉，最后要催下职员麻烦上寿司同生蚝，因为之后都仲有main course。职员都有道歉又真系好快出到呢个寿司船出黎。
以下成条船既野食都系unlimited 无限咁叫！
食材系新鲜，刺身都鲜甜。都有即刻encore 左一次。因为任食关系，所以前菜同主食份量少都唔怕，一定够饱。
到主食main course、又要过左45分钟...
猪腩一串有三旧，好淋，入口即溶，都肥腻，所以配返佢个白萝卜都夹得几好，但略嫌佢个大阪烧酱汁味道有啲浓。
Tempura 有鱼（2件），虾，菇，矮瓜，西兰花苗各一。粉浆好薄，好食。
过左半个钟左右，2点3，可以食甜品了！每人一份雪糕+生果。
芝麻脆片好食，但本身个雪糕系海盐焦糖，咸咸地再配埋雪糕底下嘅红豆粒，都几特别。
等主菜个阵有去过kids area, 地方唔大，有3 架冇电既电动车系条只系企到两个人咁阔既路俾小朋友玩，有个铺左地垫俾小朋友玩积木同坐既sofa 区，仲有一个又系两个人咁阔既位置一边排手绘，绘面，一边就扭波波。 个阵见人太多都冇等，只系玩下车。
但当食完野先去2点4 左右就已经cut queue 了，（餐厅午餐时段到3点3)，好彩做到"最后一个"。前面见到有大约5个人等，但原来又会有d 小朋友会zip 出黎，一个人又会想扭唔只一个波。 最后都等左超过半个钟，等等下又会人其他人想排队，职员成功劝退咗两位小朋友，但系之后又再黎多两个外国人又成功俾佢地排队架㖞。
整体黎讲唔赶时间的话，呢间餐厅都值得一试，食物好食，服务唔差，只系出餐时间控制比较差，因为人太多安排少少混乱，职员都做到头都晕，最尾埋单俾错左张单，又唔记得还返张信用卡俾我。
可能系我小朋友仲细，食到太晏撞左本身午睡时间，又唔会俾小朋友自己一个去kids area，先觉得个食饭体验咁漫长。虽然未必会再去，但都推介俾有小朋友既家庭去，特别系6岁以下！
成人brunch set ($498+10%).
张贴
