星橋居酒屋

营业中

休息中

今日午餐去左试新餐厅，地点系中环嘉咸街既星桥居酒屋，系我最钟意既日本菜！可以撘长扶手电梯上山，唔洗行好多路。午市定食有8个选择，包括鱼生，沙律同热食。星期一至六12点至3点都有，包汤，沙律同前菜。今日每人一个午市定食。野食整好成set上。炙烧四色丼 $138 另加一炙烧四色丼只碗好大，摆盘靓靓。炙烧四色有炙烧三文鱼3片，炙烧油甘鱼2片，炙烧吞拿鱼2片同炙烧鳗鱼2片，盖住啲饭。虽然唔算厚切，不过质素唔错。饭系暖暖哋，而且上面加左饭素同白芝麻粒，外围围满紫菜丝，葱花同京葱花，食落酸酸哋，又够湿润，唔系普通白饭，原来呢度用新潟米，我钟意。仲有酸姜片同日式芥末。角切鱼生丼 $138 另加一角切鱼生丼类似炙烧四色丼，材料变左角切三文鱼，吞拿鱼，油甘鱼，玉子，青瓜粒，再加上蟹籽，质素都唔差。下面盖饭同炙烧四色丼一样，饭上面加左饭素同白芝麻粒，不过系冻嘅，一样外围围满紫菜丝。沙律系生菜+车厘茄+粟米粒加少少柚子醋，新鲜健康。前菜系脆口红萝卜同牛蒡丝，上面洒上白芝麻粒。汤系杯装面豉汤。本身唔太饿，食完成个餐都够饱。入面装修都唔错，家私全木，厨房半开放。价钱都可以，如果喺中环返工都可以考虑黎试试。