居食屋「和民」 (置富第一城)

营业中

休息中

因为是会员关系，有时都会帮衬这间喺香港已经有一段历史嘅日本餐厅，食物唔算大碟，可以叫多几款。今日试下佢嘅春日套餐(二人)，一家三口未够食，再加两个主食。先来季节前菜，有几粒蔬菜，冬菇、莲藕、红萝卜及牛蒡，甜甜哋都醒胃。野菜沙律，新鲜爽脆沙律菜，正常发挥。意式薄切桂鱼，呢个小食喺餐厅嘅套餐必定会出现，卖相同味道也不错，每人可以分到两三件。明太子沙律厚烧玉子，热辣辣好香蛋味。桂鱼牛油果卷，厨师新鲜制作，牛油果同三文鱼是个不错的配搭。蕃茄香草牛肉寿喜烧，这个是阿女必食，她最喜欢番茄嘅味道，再加上寿喜烧嘅汁，令肥牛更加滋味。广岛风铁板炒面，这个是我特别推介，铁板炒好香口，酱汁好吸引。石锅桂鱼帆立贝蒜蓉牛油饭，老公喜欢石锅饭，佢话有少少饭焦似中式煲仔饭，再加上香浓蒜蓉牛油味，正呀！今次特别啲叫咗个青柠可乐，味道清新。