沾仔記麵食 (已搬遷) 新店位置

离开监房都接近十点, 做到只狗咁都唔知为咩? 师傅断估都应该系为左食啦, 所以一路上师傅都不断谂下食咩好, 可惜又冇咩心水; 最后咁啱经过呢间食店, 师傅见咁都有好一阵子冇黎过, 于是索性入去整碗云吞面, 求其填饱个肚就算啦!入到去人唔多, 大把位任君选择, 师傅就求其揾个位坐底后, 二话不说即刻柯打左碗云吞面! 其实落单都有犹豫过要河粉好定面好, 最后唔知咩理由拣左面; 等左一阵云吞肉面就登场, 师傅一贯嘅作风都系试下个汤底先, 喝一啖发觉汤底味道一般, 清清地唔算浓, 而味精都不太重, 可惜亦不太特别, 冇咩欣赏价值; 再讲碗云吞面有三大粒云吞, 粒粒云吞都好似乒乓波咁大粒, 咬下去第一个感觉系退步, 师傅觉得是次云吞皮都尚算滑口但略嫌唔够薄, 仲带少少硬, 净系个面似乎差左㖞; 再睇埋个馅料, 里面都算好多虾同埋冇肥猪肉, 虾身都尚算爽口, 但香味欠奉, 不算好味, 所以冇左𠮶种不断吃嘅冲动; 而面底系生面, 面身依旧爽口, 软硬适中, 亦冇碱水味, 口感真系一流!总括黎讲食物质素有下降积像, 环境同服务就真系好一般, 十三蚊都算抵食, 不过和师傅上一次黎似乎差左少少喇, 未知系