AOAO

营业中

休息中

呢间餐厅装修走型格路线，感觉好cool；可以话系酒吧，因为酒嘅款式及品种都非常之多，又可以话系西日fusion餐厅，用西式嘅概念以日式嘅做法；呢喥仲有户外区域，感觉都好chill🥰。🥢前菜小吃腌渍蒜头及牛蒡：坐下先来两款小吃，咸香爽脆，而且都非常开胃。🥢AKAGAI爽脆鲜甜嘅赤贝包住香葱及芦笋，口感清新鲜爽。🥢SHREDDED CELTUCE SALAD爽脆嘅莴笋切到幼幼长长，面头舖上三文鱼籽、萝卜蓉及鲣鱼丝，并配上 咸咸香香嘅汤汁，极像冷面一样。🥢CARAMELIZED PUMPKIN薄薄一层微微焦香嘅焦糖，包住香甜软绵嘅南瓜，入口热辣辣，感觉暖意入心。🥢CHARCOAL GRILLED EEL侍应即场用炭烤香鳗鱼嘅表皮，所以食落好香脆，而且炭香味亦超浓，正因为没有浓浓嘅酱油调味，所以食到鳗鱼嘅原味道及鱼油嘅甘甜。🥢A4 WAGYU CUTLET CHARCOAL SANDO以竹炭面包夹住炸到脆卜卜嘅吉列外皮，配合粉嫩肥美、甘香味浓嘅和牛， 确实系极级豪华又肥美嘅三文治。🍰抹茶芝士饼芝士味浓香，口感幼滑，同时带着清新嘅抹茶味。🧆大福饼Q弹软糯嘅外皮配合绵滑红豆馅，传统日本小食嘅风味。