影片
更多
2021-07-07
147 浏览
呢间餐厅嘅景可以话无敌, 180度嘅高层全维港海景尽在眼帘。望著窗外嘅景色,大大嘅咸蛋黄太阳天慢慢落山,船只慢慢航行,真系好治愈。 大大既玻璃令整个餐厅都好光猛烈,感觉特别舒服,而且桌子空间感够晒,唔怕无私隐!入夜既景色一样迷人呀!幻彩荔枝养生茶话就话系中菜馆，但始终都系四川菜，所以今次唔只系饮热茶，我哋仲叫咗呢杯冻嘅茶饮，可以解解辣。一上枱就非常之有惊喜呀，真系好似窗外面嘅风景一样，幻彩变香江：由黄昏嘅夕阳到夜晚五光十色嘅灯饰。蝶豆花加埋荔枝同柠檬，慢慢咁样渐变色，成杯嘢饮真系好靓！而且底仲有一啲芦荟粒，饮落淡淡地又好清新。凉拌麻酱生菜唔好睇呢一碟生菜平平无奇咁，但其实主角系𠮶主角，我会认为系个个浓郁到非常不得了嘅芝麻酱！见其色都知其浓，估唔到同新鲜爽脆嘅生菜都可以咁样配搭，非常欣赏，几啖就食晒！酸辣鱼皮呢一碟鱼皮，如果我唔讲比外国人知系鱼皮，佢哋都一定钟意食！因为爽脆无比，食落好似啫喱，爽口弹牙，而且酸酸辣辣，特别醒胃。又系一碟功夫菜，收集左嘅鱼皮，要洗净，而且将佢完全冷冻，再捞酱汁，吸收晒风味！麻辣小龙虾呢一道菜系中国大陆地方食宵夜嘅热门之选择,好高兴竟然喺香港都有餐厅可以见呢道
呢间餐厅嘅景可以话无敌, 180度嘅高层全维港海景尽在眼帘。望著窗外嘅景色,大大嘅咸蛋黄太阳天慢慢落山,船只慢慢航行,真系好治愈。 大大既玻璃令整个餐厅都好光猛烈,感觉特别舒服,而且桌子空间感够晒,唔怕无私隐!
入夜既景色一样迷人呀!
幻彩荔枝养生茶话就话系中菜馆，但始终都系四川菜，所以今次唔只系饮热茶，我哋仲叫咗呢杯冻嘅茶饮，可以解解辣。一上枱就非常之有惊喜呀，真系好似窗外面嘅风景一样，幻彩变香江：由黄昏嘅夕阳到夜晚五光十色嘅灯饰。
蝶豆花加埋荔枝同柠檬，慢慢咁样渐变色，成杯嘢饮真系好靓！
而且底仲有一啲芦荟粒，饮落淡淡地又好清新。
凉拌麻酱生菜唔好睇呢一碟生菜平平无奇咁，但其实主角系𠮶主角，我会认为系个个浓郁到非常不得了嘅芝麻酱！见其色都知其浓，估唔到同新鲜爽脆嘅生菜都可以咁样配搭，非常欣赏，几啖就食晒！
酸辣鱼皮呢一碟鱼皮，如果我唔讲比外国人知系鱼皮，佢哋都一定钟意食！
因为爽脆无比，食落好似啫喱，爽口弹牙，而且酸酸辣辣，特别醒胃。
又系一碟功夫菜，收集左嘅鱼皮，要洗净，而且将佢完全冷冻，再捞酱汁，吸收晒风味！
麻辣小龙虾呢一道菜系中国大陆地方食宵夜嘅热门之选择,好高兴竟然喺香港都有餐厅可以见呢道菜。
餐厅提供左胶手套俾你拎住小龙虾食,所以食得好方便,唔会整到成只手都系。
麻辣味扑鼻而来,愈食愈过瘾!而且小龙虾都好好肉啵,都系大满足!
酸菜鲈鱼呢度嘅酸菜鱼比起坊间嘅有啲唔同,你见到佢个汤系鲜白色,因为真系用大量鲜鱼熬制而成嘅汤头,所以食落有鱼味,唔会比辣味盖过。而且锅入边放有宽粉条、秀珍菇、香菜等,所以都几饱肚架!有齐正宗酸菜鱼不可缺少既香味。鲈鱼片连鱼皮，食落好滑,又保留鱼肉既纹，唔会溶溶烂烂咁。
炒鲜莴笋
师傅将莴笋炒得火候刚刚好,食得出有镬气之余,但系仍然可以保留到莴笋嘅爽脆。
香锅牛肉牛肉够晒嫩又软腍，而且辣味麻味十足,连配菜都好好味,餐厅放左洋葱在锅底,有微火烧著,等配料同牛肉既油粉都俾洋葱吸收晒!
所以成锅入面既莲藕、露荀同香菜反而更出色。
红糖糍粑呢个系四川出名嘅甜品,所以佢嘅糍粑系专诚喺四川入货。师傅可以做到外脆内软,而且入边嘅糯米绝不痴牙。
热辣辣新鲜炸起再淋上红糖,挂在喺上边,入口软糯、甜蜜。佢系一个完美嘅中式甜品!
呢间四川菜餐厅拥有无敌嘅海景、又近TIME SQUARE。而且,店员服务殷勤,乐意解释每一道菜嘅特色之处。原来师傅曾经喺三希楼做过,食落嘅味道系正宗嘅四川人菜式,真系值得一试!!
张贴
