泰海鮮 (已結業)

平时嚟三圣村，通常都系食晚饭，lunch time嚟食海鲜都系第一次！今次难得可以约到成班人嚟食，梗系试多啲款式。一嚟先上一斤白灼九节虾，印象中应该系第一次食呢只九节虾，望落比平时见嘅细只啲，但系肉质好弹牙，仲好鲜甜，唔觉唔觉就食咗差唔多十只！另外，仲食咗姜葱鲍鱼煲同泰皇芝心虾丸，个鲍鱼煲啲姜葱爆得好香，鲍鱼都好腍！～ 而泰皇芝心虾丸啲芝士劲流心，再加上炸得十分干爽嘅虾丸，味道同咬口都无咩可以挑剔嘅地方，值得推介！同场加映必食猪扒，估唔到除咗海鲜外，猪扒都又腍又惹味，有惊喜！