鋿晶館 (上水匯) (裝修中)

今日朋友带我去上水汇食饭，入左去呢间餐厅，位置坐得几舒服，又唔迫。晚市都系主打中式小炒，好多款式! 啫啫通菜煲一上台已经闻到好香，用煲上仲见到佢滋滋炸炸咁。酱汁好惹味，仲有虾干同肉丝，入面既洋葱吸晒汁，都好好食。通菜煮完都唔会老，呢碟都好岩送饭。中式蜜桃牛柳酱汁酸甜好开胃，牛柳肉质嫩滑，而且好入味。蜜桃都好甜!笼仔斑头腩蒸饭用左蒸笼上，更有风味。饭底系炒饭，而且仲有金银蒜，食落好香口。斑头腩份量都好多，而且每件都有啖啖肉! 估唔到呢到都有几多特饮，青柠梳打好清爽。另外女仔仲可以简养生之选既红枣桂圆茶，就算系热饮都同冻饮一样大杯。