影片
更多
2022-07-26
1055 浏览
疫情非常严峻, 但系年初一除非不在香港, 否则一定要去母亲大人处拜年, 拜完年后就一定去酒楼食晚饭, 但今年禁晚市堂食， 唯有去食午饭， 一早睇啱咗呢个午市商务全包宴， 六个人只系$1380 价钱都算唔贵。呢个上汤焗澳洲龙虾伊面卖相都唔错，龙虾肉几爽口， 汁够多， 味道唔错。拔丝咕噜黑豚肉个汁好醒胃， 啱啱好做到挂汁效果。 翡翠带子炒珊瑚蚌火喉啱啱好， 西兰花翠绿， 带子同珊瑚蚌都好好味。金瑶扒豆苗， 瑶柱望落去以为好多， 其实夹杂咗金菇， 但味道都几好。 至于个脆皮酱烧鸡， 鸡皮脆肉滑， 唔需要点个酱都够味。清蒸金花龙趸斑， 都算几大条， 蒸得啱啱好， 肉质都够滑。腊味糯米饭色水差少少， 但味道都够， 饭够干身唔会黐埋一旧旧。原只鲍鱼烧卖卖相一流， 唔算太多肥猪肉， 味道唔错。水晶虾饺皇只系一般水准， 至于个红枣糕因为冇食到不能下评语。总结： 大年初一日子收咁嘅价钱算抵食， 况且份量都好足， 味道都唔错！
疫情非常严峻, 但系年初一除非不在香港, 否则一定要去母亲大人处拜年, 拜完年后就一定去酒楼食晚饭, 但今年禁晚市堂食， 唯有去食午饭， 一早睇啱咗呢个午市商务全包宴， 六个人只系$1380 价钱都算唔贵。
呢个上汤焗澳洲龙虾伊面卖相都唔错，龙虾肉几爽口， 汁够多， 味道唔错。
拔丝咕噜黑豚肉个汁好醒胃， 啱啱好做到挂汁效果。 翡翠带子炒珊瑚蚌火喉啱啱好， 西兰花翠绿， 带子同珊瑚蚌都好好味。
金瑶扒豆苗， 瑶柱望落去以为好多， 其实夹杂咗金菇， 但味道都几好。 至于个脆皮酱烧鸡， 鸡皮脆肉滑， 唔需要点个酱都够味。
清蒸金花龙趸斑， 都算几大条， 蒸得啱啱好， 肉质都够滑。
腊味糯米饭色水差少少， 但味道都够， 饭够干身唔会黐埋一旧旧。
原只鲍鱼烧卖卖相一流， 唔算太多肥猪肉， 味道唔错。
水晶虾饺皇只系一般水准， 至于个红枣糕因为冇食到不能下评语。
总结： 大年初一日子收咁嘅价钱算抵食， 况且份量都好足， 味道都唔错！
张贴
