聰嫂星級甜品 (已結業)

如果同朋友黎到铜锣湾食晚饭，下场想食糖水既话，我地大多会拣聪嫂呢！系铜锣湾黎讲，聪嫂算好抵食，而且又好味。虽然每次去食都要排一阵队，而且坐得好逼，一挨后仲有机会掂到后面既人，不过，久唔久都想食呢度既龙眼冰。 今次介绍4款我会常叫既糖水款式呢~龙眼椰果冰($38) 我觉得系no.1 必叫既糖水呀!!!!!!!沙冰用新鲜既龙眼肉打成，口感绵绵，味道就好重龙眼肉既清香，面头有椰果同爽口既水晶珠，好有咬口呢！龙眼做主角既甜品好少呢，所以觉得呢款好特别，而家天气开始热，用黎消暑好一流呀～～～～芒果椰果冰($35) 系第2款我最常叫既款式，口感上同椰果冰差唔多，芒果味好浓呢，仲有粒粒芒果!～芒果奶昔双皮奶($38) 有阵时唔想食冰但又想食冻野，我就会拣双皮奶呢。芒果底下既类似雪实左小小既奶昔冰，质地绵密，下层就系充满奶味香又软滑既双皮奶～糖不甩($19) 呢个就系人多少少时就会叫，一人share一粒两粒，沾下椰丝砂糖，烟烟韧韧，过下口瘾呢～唔知你地又中意食边款甜品呢～(〃∀〃)~♡